Ook aal is der op grond van nijmoodse waitenschop haildaal gain aanlaaiden om t bestoan van t bovennatuurleke te oanen of noodzoakelk te achten, doch loven n bult minsen ien n hemelse zoaleghaid.

En goden binnen niks singeliers. Verdaild over ale werelddailen loven minsken sunt oldhaid tot vandoag aan tou ien meer as 3000 hemelvoaders en -mouders.

Bliekboar het n minsk n noatuurleke aandrift tot religie.

Ie dinken voaker ien n schaaiden tussen lichoam en gaist as ie joe mainstekaans realiseren. Benoam kiender kinnen heur makkelk iendinken dat ze n aander binnen of dat ze n dinkbeeldege vrund of vrundin hemmen, doar ze mit om goan.

As ain t gedrag van n onbekinde aander perbaaiert te veurspellen (xe2x80x9chou reageert e as ik vertel dat ik n kras ien zien auto reden heb?xe2x80x9d) bruukt e n fantasieriek dail van zien hazzens, dij vot goie en kwoaie bedoulens en vermoudens bie aander lu beredeneertxe2x80xa6

xe2x80x9cOch, ain kras meer of minder, geft niks hur! Der zaten toch aal krazzen ien!xe2x80x9d

Dat vaalt tou ja! Zo leefde hom geern verder ien. En nou duurde tegen dij dinkbeeldege aander te zeggen: xe2x80x9cO! Mor dit is wel n haile dikke kras! t Het wel wat van n scheur!xe2x80x9d Dij aander het e nog hailtied nait zain! Dij zit binnen te kovviedrinken. Hai proat tegen n gaist! Mor doar komt t lichoam aan, doar dij gaist ien zit. En t is n boom van n keerl, mit van dij vreselken tatouages op zien dikke aarms! En n pitbull.

t Liekt ter ien elks geval op dat ons vermogen om ien zielen, gaisten en doulbewuste goden te loven, net zo intuxc3xaftief is as ons vermogen om te plannen, muziek te moaken, toal te ontwikkeln en raif te bruken. Net as aal dij vermogens is religie ook n typisch minselk trekje.

Tegenworreg neurowaitenschoppelk onderzuik suggereert dat religiositeit eerder n cognitieve (cognitie=kenvermogen) as n emotionele aigenschop is.

Noast neurolinguxc3xafstiek is der n grinswaitenschop bie kommen: neurotheologie.

t Kon wel ains zo wezen dat minsen n aangeboren godstee (god spot) ien de kop zit.

Voader van ons ien de hazzens,

dat joen stee vaaileg wezen maag,

dat t keunenkriek van verbeeln kommen maag,

dat joen wil doan wordt van inne tot winne,

t verstand doar wie verlet om hemmen,

geef ons dat vandoag en mxc3xb6rn,

en reken ons onze dommeghaid nait tou,

net zo as wie geern even nittjen

elk dij ons verneukt.

En breng ons nait ien toeze,

 mor wil van kopsere ons verlxc3xb6zzen.

Amen.

Vanoet chirurgisch standpunt kin vroagd steld worden of t godsbesef ons te hazzens oetsneden worden kin.

(Oet t Grunneger Toal Spulbouk)